THIERRY Mugiraneza
Alberto Fernández , Perezida wa Argentina yagize icyo atangaza ku magambo y’iterabwoba yabwiwr Lionel Messi kuwa Kane.
Kuwa Kane w’icyi cyumweru, mu mugi wa Rosario aho Lionel Messi avuka abantubitwaje intwaro bateye iduka rya nyirabukwe barasa amasasu agera kuri cumi n’ane basiga banandikiye ubutuma Lionel Messi bumubwira ko bamutegereje ko ndetse na Meya w’ ako gace atazabasha kumurinda.
Icyo gikorwa cyababaje abantu batandukanye cyane cyane abafana ba Lionel Messi bibaza uburyo abantu batinyuka bagatera ibikorwa by’umuryango wa Lionel Messi bakanagerekaho kumutera ubwoba kandi, yaherukaga kubafasha gutwara Igikombe cy’Isi.
Umwe mu bantu bari bategerejwe kugira icyo babivugaho ni Nyakubahwa Alberto Fernández, uyobora Argentina.
Alberto Fernández ubutumwa bwe nk’uko tubukesha ikinyamakuru Sports Belief n’uko yavuze ko yababajwe n’ibyo bikorwa ndetse akabaya yaravuganye na Meya Pablo Javkin ngo bakurikirane ibyo bikorwa.
Perezida Alberto Fernández yagize ati ” Kuwa Kane nabyutse numva amakuru ababaje, nahise mpamagara Meya Pablo Javkin. Namubwiye ko bagomba kugira icyo babikoraho”.
Perezida Alberto Fernández yongeyeho ati” Turi gukora byinshi ariko tugomba gukora ibirenze. Ikibazo cy’ihohoterwa n’amatsinda y’abanyabaha tugomba kubyitaho”.
