Social Mula
Perezida w’ikipe ya Rayon Sports, Uwayezu Jean Fidele ntabwo yishimiye imyitwarire mibi ya Boubacar Traore umaze iminsi arwana n’abandi bakinnyi mu myitozo.
Mu ntangiriro z’iki cyumweru nibwo Boubacar Traore yarwanye na Paul Were bapfuye ko umwe yari yise undi umuswa.
Nyuma yo kurwana na Paul Were, Boubacar Traore ku munsi ukurikiyeho yatonganye na Musa Esenu nabwo bashaka kurwana ariko abakinnyi barabakiza.
Uretse gushyamirana n’abakinnyi bagenzi be, mu kwezi gushize nabwo yari yatonganye n’abafana ba Rayon Sports, iyi myitwarire idahwitse ikaba igiye gutuma ahabwa ibihano.
Amakuru yizewe YEGOB yamenye ni uko ubuyobozi bwa Rayon Sports bushobora gufata icyemezo cyo guhagarika ukwezi Boubacar Traore mu gihe azaba akomeje kugaragaza ikinyabupfura gicye.
Boubacar Traore yageze muri Rayon Sports mu mpeshyi y’umwaka ushize, kuri ubu ni umwe mu bakinnyi batatu bahembwa umushahara munini muri iyi kipe aho buri kwezi ahembwa miliyoni y’Amanyarwanda.
