HARAGIRIMANA Dieudonne
Umukinnyi wa filime akaba n’umwanditsi wazo, Niyitegeka Gratien wamamaye ku mazina anyuranye arimo Papa Sava, yihanganishije bagenzi be Clapton na Bamenya bari bahataniye igihembo muri The Choice Awards.
Ni nyuma yo kubahigika akegukana igikombe cy’umukinnyi mwiza wa filime w’umwaka [Best Actor of the year] mu bihembo The Choice Awards byatanzwe mu ijoro ryo kuri iki Cyumweru tariki 30 Mata 2023.
Niyitegaka [Papa Sava] yihanganishije Mugisha Emmanuel [Clapton] amubwira ko kuba amuhigitse kuri iyi nshuro biteye ishema kuri we kuko nawe umwaka ushize yatwaye igikombe nk’iki.
Ati “Kibonke yihangane ubushize yaragitwaye [Umwaka ushize].” Yanavuze ko na Bamenya aherutse gutwara igikombe ‘Cya ‘Best Creator Award’ mu bihembo bya Rwanda International Movie Award.”
Ati “Turasangira, twese ko turi ab’umukire umwe reka nanjye nyikubite mu kabati babibone.”
