Papa Francis yatunguranye ubwo yavugaga umukinnyi wa mbere mu mupira w’amaguru

Papa Francis, Umushumba Mukuru wa Kiliziya Gaturika ku Isi yavuze umukinnyi afata nk’uwa mbere mu bakinnyi babayeho muri ruhago.

Ku munsi wejo hashize ubwo Papa Francis yari mu kiganiro n’itangazamakuru yagarutse ku ngingo zirimo intambara ya Israël na Palestine, ndetse agaruka no kuri ruhago.

Papa Francis abajijwe umukinnyi yaba abona wagize ubuhanga muri ruhago cyangwa se akunda, Papa yasubije ko kuri we Edson Arantes do Nascimento uzwi nka Pelé ari we mukinnyi akunda cyane, aho kuba Lionel Messi cq Diego Maradona bakomoka hamwe nawe muri Argentina.

Papa yagize ati: “Kuri njye umukinnyi ukomeye hagati ya Pelé, Messi na Maradona ni Pele. Ni umuntu wari ufite umutima mwiza, twigeze kuganira rimwe, musanze mu ndege ubwo nari i Buenos Aires muri Argentina.”