Papa Francis yashyizeho komisiyo ishinzwe gukusanya amakuru yerekeye abarimo abanyarwandakazi 2 kugira ngo bagirwe Abatagatifu muri Kiliziya Gatolika

Ababikira 2 b’abanyarwandakazi bo mu muryango w’Abakalikuta bari muri 4 biciwe muri Yemen bazira ko ari abakirisitu, Kiliziya Gatolika yatangiye gushaka amakuru aberekeyeho kugira ngo bashyirwe mu Batagatifu.

Papa Francis yashyizeho abashinzwe gukusanya amakuru yerekeye aba babikira bane barimo Abanyarwandakazi 2, Mukashema Marguerite uvuka muri Diyosezi Gatolika ya Kabgayi mu Ntara y’Amajyepfo ndetse na Nzamukunda Reginette uvuka muri Diyosezi Gatolika ya Ruhengeri mu Ntara y’Amajyaruguru.

Abo babikira biciwe muri Yemen ari bane tariki ya 4 Werurwe 2016 hamwe n’abandi 12 bazira ko ari abakirisitu. Bakaba bashimrirwa uburyo bagaragaje urukundo bakunda Yezu Kristo akaba ariyo mpamvu bashaka gushyirwa mu Batagatifu.