Papa Francis yajyanywe mu bitaro

Umushumba wa Kiliziya Gatolika ku isi ,Papa Francis w’imyaka 86 yajyanwe kwa muganga igitaraganya ,nyuma yo kugira ibibazo by’ubuhumekero muri iki cyumweru.

Inkuru dukesha ikinyamakuru The Guardian ivuga ko mu ntangiriro ziki cyumweru aribwo Papa Francis yavuze ko ari kugorwa no guhumeka bituma ajyanwa gusuzumwa ,basanga afite ibibazo by’ubuhumekero ,ku buryo agiye kumara iminsi kwa muganga ari kwitabwaho.

Papa Francis mu byumweru bishize yagaragaraga mu mbaga y’abantu nk’ibisanzwe nta kibazo afite ,ku mugoroba wo kuwa gatatu w’iki cyumweru nibwo yari bugirane ikiganiro na kimwe mu bitangazamakuru byo mu gihugu cy’Ubutaliyani ariko kiza gusubikwa igitaraganya.