Onana ubutumwa bwe nyuma y’umukino wejo hashize bwateye benshi amarangamutima akomeye

Umunya-Cameroon utahaza izamu Leandre Willy Essomba Onana yatangaje ko umukino urakurikira araba ahari kandi ko imvune ye idakanganye.

Hashize ibyumweru 3 umukinnyi w’ikipe ya Rayon Sports willy Onana agize ikibazo k’imvune igatuma adakoreshwa mu mikino iyi kipe ye imaze gukina.

Ku mukino w’ejo hashize ubwo ikipe ya Rayon Sports yakinaga n’ikipe ya Sunrise FC yagaragaye yicaye muri Sitade yiyambariye bisanzwe ariko aje gufana ikipe ye nubwo ataramera neza.

Nyuma y’uyu mukino Onana yatangaje ko imvune yari yaragize idakanganye cyane abafana ba Rayon Sports bagomba kumwitega ku mukino ukurikira ubwo iyi kipe ye izaba ikina n’ikipe ya Kiyovu Sport.

Ibi uyu musore yatangaje ni ibintu byari bikenewe n’abafana benshi ba Rayon Sports bitewe nuko uyu mukino baraye bakinnye Hari abakinnyi baburaga kandi bakomeye harimo n’uyu musore.

Amakuru ahari kandi ni uko abakinnyi barimo Rwatubyaye Abdul, Mbirizi Eric, Rafael Osaluwe ndetse na Onana bose kuri uyu mukino uzaba tariki 11 ugushyingo 2022, bazaba bagarutse mu kibuga.