Okkama,Producer Element na Director Nkotanyi aba bombi bari guhatana mu bihembo bikomeye hano ku isi

Umuhanzi Okkama n’utunganya umuziki Element Eleéeh umaze kubaka izina mu gutunganya umuziki n’uyobora amashusho y’indirimbo Nkotanyi Frery ukora indirimbo z’abahanzi bakomeye nka Ariel Wayz n’abandi benshi kandi bakomeye, aba bombi bahagarariye u Rwanda mu bihembo bya African Entertainment Awards USA 2022.

Umuhanzi Okkama uri mu bigaragaje uyu mwaka ahatanye mu cyiciro cy’umuhanzi mushya wahize abandi muri Afurika , ahatanye n’abarimo Black Sheriff (Ghana) , Asake (Nigeria) , Azawi (Uganda) n’abandi.

Producer Element uherutse kwegukana igihembo cyutunganya umuziki wigaragaje kurusha abandi ahatanye mu cyiciro cya Producer w’umwaka muri Afurika aho ahatanye n’ibikomerezwa muri uyu mwuga nka Spellz, Masterkraft , Nessim Pan Productions n’abandi.

Naho Director Nkotanyi ahataniye igihembo cy’uyobora amashusho w’umwaka aho ahatanye n’abarimo TG Omori ugezweho muri Nigeria na Sasha Vybz uzwi muri aka karere.

African Entertainment Awards USA ni ibihembo bigiye gutangwa ku nshuro ya munani bihemba abagize uruhare mu iterambere ry’imyidagaduro muri Afurika binyuze mu byiciro 14.

Ibi bihembo bizatangirwa muri Leta Zunze Ubumwe z’Amerika ndetse tariki 28 Ukuboza 2022.

Dore uko wafasha aba basore Okkama, Element na Nkotanyi ukabatora unyuze kuri www.aeausa.net