Social Mula
Myugariro wo hagati mu ikipe ya Rayon Sports, Mitima Isaac ni we uzajya wambara igitambaro cy’Ubukapiteni nyuma y’uko Rwatubyaye Abdul na Ndizeye Samuel bagize ikibazo cy’imvune.
Ubusanzwe Kapiteni wa Rayon Sports ni Rwatubyaye Abdul akaba yungirijwe na Ndizeye Samuel, aba bombi bafite imvune izatuma bamara hanze y’ikibuga igihe kitari munsi y’ukwezi.
Ubwo shampiyona y’Icyiciro cya Mbere izaba isubukuwe bakina igice cy’imikino yo kwishyura, biteganyijwe ko Mitima Isaac ari we uzajya wambara igitambaro cy’Ubukapiteni aho azaba anayoboye ubwugarizi bw’iyi kipe afatanyije na Ngendahimana Eric.
Rayon Sports yasoje imikino ibanza ya shampiyona iri ku mwanya gatanu n’amanota 28. Ni inyuma ya AS Kigali ya mbere n’amanota 30, inganya na Kiyovu Sports ndetse na APR FC na Gasogi United zifite amanota 28 mu mikino 15 zakinnye.
