Nyuma y’uko bimenyekanye ko Cristiano Ronaldo yagurishije imwe muri Ballon d’Or afite,impamvu yabikoze yakoze no ku mitima y’abatamukunda

Rutahizamu wa Real Madrid w’imyaka 32 Cristiano Ronaldo umaze kwegukana Bllon d’Or zigera muri 4 zose ndetse uhabwa n’amahirwe menshi yo gutwara iya 2017 zikaba 5,byaje kumenyekana ko yaba yaragurishije imwe muri izo 4,ngo akore igikorwa benshi bashimye cyane.

Ronaldo yagurishije Ballon d’Or yatwaye mu mwaka wa 2013,iyo yatwaye bwa 2,ayiteza cyamunara ngo akuremo amafaranga yo gufasha fondasiyo yita ku bana barwaye ndetse n’abamugaye yitwa Make-A-Wish.Iyo ballon d’Or ikaba yaraguzwe numushoramari ukomoka mu gihugu cya Isiraheli witwa Idan Ofer wayitanzeho ibihumbi 600 by’amadolari bingana (600 000$).

Gusa nk’uko ikinyamakuru Marca kibitangaza cyemeza neza ko uyu musore atagurishije Ballon d’Or ya original ahubwo ko yagurishije Copie bakunze gusaba France Football itanga iki gihembo ngo bazishyire mu bikombe ikipe cg bakinnyi babika ku ruhande.Jose Mourinho ndetse na Pep Guardiola bakaba nabo hari amafaranga bashyize muri iyo fondasiyo.