HARAGIRIMANA Dieudonne
Umusirikare wa RDF uzwi ku mazina ya Habimana Emil ubu arafunzwe azira gutera inda umwana w’umukobwa utaruzuza imyaka y’ubukure.
Uyu mukobwa watewe indi yitwa Nyirabanguwiha Sada ukomoka mu karere ka Nyanza mu ntara y’Amajyepfo.
Yiyemerera ko yagize uruhare rusesuye mu ifungwa ry’uyu musirikare wamuteye inda kuko ngo yari agamije gushaka ibimenyetso bibimuhamya kandi ngo yamaze kubibona nyuma yo gupima umwana na se yifashishije ibizamini bya DNA.
Amakuru aravuga ko uyu mukobwa n’ubwo yafungishije Habimana Emily ubu yifuza ko yarekurwa ngo abashe kwita ku mwana yabyeye cyane ko nyina nta bushobozi afite.
Ni ikifuzo yahamije abinyujije mu ibaruwa yandikiye Umushinjacyaha mu kuru wa Gisirikare, amusaba guhagarika ikirego yarezemo Habimana Emily wamuteye inda.
Muri iyo baruwa, Nyirabanguwiha Sada avuga ko yareze Emily kubera ko baryamanye abana n’undi mugabo, gusa ngo nyuma yo gupimisha DNA yasanze umwana ari uwa Habimana Emily, none aramusabira gufungurwa ngo akore inshingano zo kurera uwo mwana nk’umubyeyi.
