HARAGIRIMANA Dieudonne
Mu gihembo gitangwa na Federasiyo y’Isi ya ruhago,FIFA cyitwa The Best,Cristiano Ronaldo nta gitunguranye yahembwe nk’umukinnyi witwaye neza uyu mwaka imbere ya Lionel Messi na Neymar bari bahanganye yabanje no gushimira abona iki gihembo.
Mw’ijambo yavuze yagize ati “Ndashimira cyane kuba mwantoye.Nshimira na Lionel Messi na Neymar kuba baje hano.Ndashimira abakinnyi dukinana muri Real Madrid,umutoza wanjye ndetse na staff yose,bamfashije cyane uyu mwaka wose.Ni ibyishimo byinshi cyane kuba nyiboneye mu Bwongereza.FIFA yahaye ijambo abafana kandi ndabafite hirya no hino kw’Isi ndabashimira cyane.Ni byiza kuba nahuye n’abandi bakinnyi b’ibihangage ndetse n’uyu mukinnyi w’agatangaza (Maradona).Murakoze mugire ijoro ryiza.”
Cristiano Ronaldo akaba ari The Best ya 2 ikurikirana atwaye kuva iki gihembo cyatangira gutangwa umwaka ushize FIFA na France football bitandukana mu gutanga Ballon d’Or.
