THIERRY Mugiraneza
Abakinnyi b’ikipe ya Young Africans Sports Club isanzwe ikina shampiyona y’ikiciro cya mbere muri Tanzania, bashyikirijwe amafaranga bari baremerewe na Perezida wa Tanzania Madamu Samia Suluh Hassan.
Mu cyumweru hagati cyashize nibwo Perezida wa Tanzania yatangaje ko nihagira umukinnyi ukinira Young Africans cyangwa Simba Sports Club uzatsinda igitego mu mikino izi kipe zizakina mu marushanwa nyafurika, uwo mukinnyi azahabwa angana na miliyoni eshanu z’amashiringi ya Tanzania.
Kuwa Gatandatu ubwo Simba Sports Club yakinaga na Raja Casablanca, nta mukinnyi wa Simba wabashije gutsinda igitego muri uwo mukino.
Ku munsi w’ejo ku Cyumweru abakinnyi ba Young Africans nabo bari bategerejwe kureba niba bari bucyure miliyoni eshanu. Abakinnyi ba Young Africans barimo Musonda, Mudathir na Kisinda batsinze igitego mu bitego bitatu Young Africans yatinze TP Mazembe, maze buri umwe ahabwa miliyoni eshanu ze z’ammashiringi ya Tanzania nk’uko bari barabisezeranyijwe.
AMAFOTO:
