Nyuma yo kubura amafaranga yo kugura Sumaila Moro, Rayon Sports yateye intambwe yo gusinyisha rutahizamu w’Ikipe y’Igihugu ya Malawi

Ikipe ya Rayon Sports yatangiye ibiganiro na rutahizamu Mpuzamahanga ukomoka mu gihugu cya Malawi.

Hashize igihe iyi kipe iri mu biganiro na ba rutahizamu batandukanye, kuri ubu uwo igezeho ni ukinira ikipe ya Nyasa Big Bullets akaba anakunda guhamagarwa mu Ikipe y’Igihugu ya Malawi.

Kugeza ubu amazina y’uyu rutahizamu uri mu biganiro na Rayon Sports ntabwo yari yamenyekana, gusa biravugwa ko nta gihindutse ashobora kuba yamaze kumvikana n’ubuyobozi bw’iyi kipe.

Rayon Sports yasoje imikino ibanza ya shampiyona iri ku mwanya gatanu n’amanota 28. Ni inyuma ya AS Kigali ya mbere n’amanota 30, inganya na Kiyovu Sports ndetse na APR FC na Gasogi United zifite amanota 28 mu mikino 15 zakinnye.