Nyuma y’inkuru mbi yatashye muri Real Madrid, iyi kipe ihise ifata umwanzuro wo guhekura Arsenal(Iyumvire)

Mu nkuru yacu iheruka Zinedine Zidane n’ikipe ye bababajwe bikomeye n’iyi nkuru mbi ibazindukiyeho(Iyumvire) nibwo twabatangarije ko ikipe ya Real Madrid ikuriwe inzira ku murima nyuma yo kugaragaza ko yashakaga guca ruhinga nyuma ikagura Robert Lewandowski w’ikipe ya Bayern Munich wagaragaje kutumvikana no kutishimira iyi kipe mu minsi yashize. Nyuma yuko Real Madrid rero ibonye ko bitagishobotse, yahisemo guhita yerekeza amaso i London nkuko tubikesha ikinyamakuru Marca cyo muri Espagne.

Nkuko Marca ibivuga rero ikipe ya Real Madrid ikimara kubona ko ishobora kuzananizwa ishaka kugura uyu munya Pologne, yahise yihutira kureba uko yatanagira kuganiriza umunya Chili Alexis Sanchez wamaze kugaragariza isi yose ko atakifuza gukinira ikipe ya Arsenal bityo mu gihe uyu musore amasezerano ye yaba arangiye i Emirates akaba yahita yijyira i Santiago Bernabeu guhabwa amasezerano yifuza nkuko Marca yabitangaje.