Connect with us

Imyidagaduro

Nyuma y’imyaka 5 yose Clement atereta Knowless rwihishwa ubunoneho yamusabye kumubera umugore ku mugaragaro

Published

on

Ntawe utwika inzu ngo ahishe umwotsi! Urukundo rwavuzwe mu myaka itanu ishize ba nyirarwo bakarwigarika bakavuga ko bakundana kivandimwe nk’abafashanya mu muziki. Iryavuzwe riratashye, Knowless na Producer Clement bagiye kurushinga bidasubirwaho.

Knowless na Clement ni abakunzi b’igihe kirekire bakundanye bacenga inshuti zabo, bakihisha cyane amaso y’itangazamakuru ngo batavumburwa ko bari mu rukundo. Amacenga no kujijisha bya hato na hato, kuterura ngo hamenyekane mu by’ukuri uko byifashe nibyo byaranze urukundo rwabo kuva muri 2011 kugeza kuwa 27 Gicurasi 2016 ubwo bimenyekanye ko bagiye kurushinga byeruye.

Mu ijoro ryacyeye, habaye umuhango ukomeye ugaragaza ipfundo ry’urukundo rwa Producer Ishimwe Clement na Knowless. Umusore yabitangaje byeruye mu maso y’inshuti n’abavandimwe, anahita asaba Butera Knowless ko yakwemera akazamubera umugore undi ntiyazuyaza aravuga ati “YEGO”!

Ni mu birori byabereye muri Kigali City Tower, aba bombi bari batumiye inshuti zabo za hafi ndetse hari n’abahanzi bose bo muri Kina Music Tom Close n’umugore we, TMC na Platini bagize Dream Boyz, Aline Gahongayire, Christopher n’abandi bakorana bya hafi.

Inshuti magara ya Producer Clement [itifuje ko dutangaza izina] yabwiye IGIHE ko bateguye uyu muhango mu ibanga rikomeye ndetse birinze ko hagira umunyamakuru uhatunguka ngo hato bitabyuka byasakaye mu itangazamakuru ry’u Rwanda kandi bashaka kuzagera ku munsi w’ubukwe bikiri ibanga.

Ati “Sha hari inshuti zabo gusa, nabonyemo n’abahanzi bo muri Kina Music bariya baririmbana na Knowless. Nyine twari twagiye muri Century Cinema, twabanje tureba filime mu kanya gato bazimya amatara bacuranga indirimbo Knowless na Clement bakunda hanyuma nyine umusore ahita ashinga ivi amusaba ko yazamubera umugore.”

Nta muntu wari wemerewe gufata amafoto muri ibi birori, bari bafite umufotozi wabo bwite bateguye mu kwirinda ko hagira ifoto ibacika ikajya hanze.

Knowless na Clement ngo bari gutegura ubukwe mu ibanga rikomeye gusa ngo bizwi n’inshuti zabo gusa ndetse buzataha bitaranze Kanama 2016.

Ati “Ubukwe ni vuba cyane! Ntabyo muzi se? Ubukwe ni mu kwezi kwa munani itariki sinyibuka.”

Knowless aherutse kujya i Dubai abihishe itangazamakuru gusa IGIHE yaramuvumbuye nubwo mu kiganiro twagiranye na we yaduhishe ko yari yagiye kugura ibirongoranwa.

Knowless yamaze i Dubai icyumweru cyose gishize yagarutse i Kigali kuwa Mbere tariki ya 23 Gicurasi 2016 nyuma y’iminsi ibiri gusa ahita yambikwa impeta ya fiançailles ubu hategerejwe umunsi w’ubukwe.

Producer Clement na Knowless, ntacyo baratangariza IGIHE gusa turacyagerageza kuvugana na bo ngo babwire abafana byeruye iby’ubukwe bwabo.

 

src: igihe.com

Leave your vote

Comments

0 comments

Advertisement
1 Comment

1 Comment

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.

Izikunzwe

Advertisement
Advertisement

Inkuru z'umunsi

Log In

Forgot password?

Don't have an account? Register

Forgot password?

Enter your account data and we will send you a link to reset your password.

This site is protected by reCAPTCHA and the Google Privacy Policy and Terms of Service apply.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

error: Content is protected !!
Skip to toolbar