Nyuma y’ibyishimo by’igikombe Real Madrid itakaje umukinnyi wayo ukomeye ku buryo butunguranye

Nyuma y’ibyishimo bidasanzwe  byo kunyagira ikipe ya Juventus ibitego 4-1 ku mukino wanyuma wa Uefa Champions League, ikipe ya Real Madrid ikimara kwishimira icyo gikombe cya 12 cy’iri rushanwa, yahise itangira gutanga impapuro zemerera myugariro wayo Képler Laveran Lima Ferreira uzwi nka Pepe kwerekeze mu ikipe ya Paris Saint Germain.

Amakuru dukesha ikinyamakuru Marca aravuga ko ikipe ya PSG yamaze kwemerera uyu munya Porutigali Pepe w’imyaka 34 amasezerano y’imyaka ibiri mu gihe cyose ikipe ya Real Madrid itazamwongerera amasezerano, kuko uyu musore amasezerano ye ari burangirane n’uku kwezi kwa gatandatu. Uyu musore akaba atazagurwa amafaranga na make bitewe nirangira ry’amasezerano ye. Gusa aka agomba kubanza kwumvikana n’ikipe ya Real Madrid kuko mu nkuru zacu ziheruka twabamenyesheje ko uyu musore yatangaje ko atifuza kuva muri iyi kipe.