HARAGIRIMANA Dieudonne
Mu mukino wa derby y’i Milan,wahuje amakipe abiri akomeye y’uyu mujyi Inter Milan ndetse na AC Milan,Maurio Icardi nyuma yo guha itsinzi Inter ku munota wa nyuma yahise yigana Lionel Messi bakinana mw’ikipe y’igihugu ya Argentine celebration yavugishije abantu nyuma yo gutsinda nawe ku munota wa nyuma Real Madrid mu kwezi kwa 4 guheruka.
Nubwo aya makipe yombi atagikomeye cyane nko mu myaka yashize,n’iyi derby yari imaze igihe itavugisha abantu cyane nyamara ku munsi w’ejo umujyi wose wa Milan wari utegereje bidasanzwe uyu mukino.
Inter Milan yatangiye itsinda ibitego 2-0 ikipe ya AC Milan yagerageje kwiyubaka igura abakinnyi ba miliyoni 210 z’amayero,nubwo iyi kipe yaje kwirwanaho ikabyishyura byombi,ku munota wa 90 yaje guhura n’ibibazo bikomeye cyane ubwo Inter yahabwaga penalty yaje gutsindwa neza na Maurio Icardi watsinze ibitego byose uko ari 3 muri uwo mukino.
