Nyanza: Umwarimu yakoze impanuka ahita ahasiga ubuzima

Mu Karere ka Nyanza mu murenge wa Busasamana habereye impanuka ya moto yo mu bwoko bwa TVS ifite ibirango bya RD004 yahitanye umwarimu.

Iyi mpanuka yabereye mu mudugudu wa Bigega mu Kagari ka Gahondo nyakwigendera Sabagirirwa Athanase w’imyaka 47 y’amavuko yari yitwaye kuri moto ye aho yavaga muri Gare ya Nyanza yerekeza mu Kagari ka Gahondo.

Amakuru avuga ko Sabagirirwa mu masaha y’igicuku yagonze borodire y’umuhanda maze moto igasimbuka igakubita igiti ahita yitaba Imana. Yigishaga ku ishuri ribanza rya Nyarugunga, asize umugore n’abana batandatu.

Umurambo wa nyakwigendera wahise ujyanwa ku Bitaro Bikuru bya Nyanza kugira ngo ukorerwe isuzuma.