Moïse Habanabashaka
Nyanza: Umwana w’umunyeshuri yishwe n’ikaramu
Umwana wiga mu ishuri ribanza riri mu murenge wa Mukingo, mu karere ka Nyanza yamize akabuno k’ikaramu (agapfundikizo k’inyuma k’ikaramu) ubwo yari mu ishuri arapfa.
Uyu mwana yitwaga Dushime Patrick akaba yari afite imyaka 9 yigaga mu mwaka wa kabiri w’amashuri abanza, mu rwunge rw’amashuri rwa Nyarutovu, mu kagari ka Ngwa, mu murenge wa Mukingo mu karere ka Nyanza.
Uyu mwana ajya kumira aka kabuno ko ku ikaramu yari ari kumwe na bagenzi be nuko kwa kundi abana barya amakaramu akabuno karamucika arakamira n’uko aho kugira ngo kamanuke mu muyoboro wibiryo gahita kigira mu mwanya w’ubuhumekero.
Pasitori Kabayiza Louis umuyobozi w’urwunge rw’amashuri rwa Nyarutovu avuga ko ibi bikimara kuba bahise bahamagaza ubutabazi bwihuse nuko umwana bamujyana ku kigo Nderabuzima cya Gatagara biranga, yoherezwa ku Bitaro bya Nyanza ariho yaguye.
