Nyanza: umugabo w’imyaka 37 arakekwaho gusambanya umwana w’imyaka 15

Umugabo wibanaga mu nzu nyuma yo gutandukana n’umugore we yatawe muri yombi akekwaho gusambanya umwana w’imyaka 15.

Ni umugabo w’imyaka 37 y’amavuko, bivugwa yasambanyije umwana w’umukobwa wigaga mu mwaka wa Gatandatu w’amashuri abanza.

Amakuru agira ati:“Tharcisse yaracumbitse mu mudugudu wa Nyabisindu ahamaze igihe cy’amezi atatu akaba yakoraga akazi ko gucunga umutekano (umunyerondo)”

Inzego z’ibanze zo mu mudugudu wa Nyabisindu mu kagari ka Rwesero mu murenge wa Busasamana mu karere ka Nyanza uyu mugabo yaratuyemo ngo zikibimenya zihutiye kumushyikiriza urwego rw’Igihugu rw’ubugenzacyaha (RIB) sitasiyo ya Busasamana aho harimo gukorwa iperereza.