Nyanza: Inzu yabikwamo ibicuruzwa ifashwe n’inkongi y’umuriro iragurumana(AMAFOTO)

Kuri uyu wa Gatatu mu masaha ya nimugoroba nibwo inkongi y’umuriro yatwitse inzu ibikwamo ibicuruzwa mu Mujyi wa Nyanza rwagati imbere y’isoko mu Murenge wa Busasamana, maze hangirika ibikoresho byinshi byari biyirimo.

Bivugwa ko iyi nzu yahiriyemo ibicuruzwa by’umwe muri batatu bayikodeshaga. Ibyahiye ni matera 160 zo kuryamaho, amavarisi 24, imikeka 40, tapi 40, imisego y’intebe 500, igare na matela 40 zishyirwa mu ntebe.