Nyanza: Habereye impanuka ikomeye cyane ya moto yagonze imodoka y’umuyobozi, umuntu umwe agahita ahasiga ubuzima

Nyanza: Habereye impanuka ikomeye cyane ya moto yagonze imodoka y’umuyobozi, umuntu umwe agahita ahasiga ubuzima.

Umumotari witwa Bizimana Théonetse yagonze imodoka y’umuyobozi w’akarere ka Huye wungirije ushinzwe iterambere ry’ubukungu, Kamana André, uyu mumotari ahita ahasiga ubuzima.

Polisi ikorera mu karere ka Nyanza kabereyemo iyi mpanuka yasobanuye yatewe n’umuvuduko mwinshi umumotari yatwariragaho, ava ahitwa ku Bigega yerekeza muri gare ya Nyanza.

Visi Meya Kamana we ngo wavaga muri gare ya Nyanza yerekeza ku Bigega. Bigaragara ko imodoka yari atwaye ya Toyota Hillux yahombanye ku rubavu rw’ibumoso, hafi y’itara ry’inyuma.

Uyu muyobozi we nta kibazo yagiriye muri iyi mpanuka.