Nyanza: Abaturage bakubise umusore wafatiwe mu cyuho kugeza inzogera yirenze

Umusore w’imyaka 21 y’amavuko bivugwa ko  yari umujura dore ko yari amaze gutobora inzu y’umuturanyi ahagana saa Cyenda z’ijoro, we na bagenzi be bashakaga kwiba ihene, abaturage baramufata, baramukubita kugeza ahasize ubuzima.

Ibi byabaye kuri uyu wa kabiri taliki 20 Kamena, 2023 mu Mudugudu wa Birembo, Akagari ka Gahombo mu Murenge wa Kigoma mu Karere ka Nyanza.

Bamwe mu baturage bahatuye bavuga ko abakekwaho ubwo bujura baje bitwaje intwaro gakondo, ariko bumvise urusaku rw’abaturage bamwe bariruka barahunga.