Nyamasheke: Umusaza wagiye gukoresha isanduku azashyingurwamo akayibika mu nzu iwe akomeje gutungura benshi 

Nyamasheke: Umusaza wagiye gukoresha isanduku azashyingurwamo akayibika mu nzu iwe akomeje gutungura benshi.

Umusaza  w’imyaka 83 Ngarambe Straton washakanye wo mu Murenge wa Kagano, Akagari ka Rwesero, Umudugudu wa Mutusa, avuga ko yikoreshereje isanduku azashyingurwamo.

Aganira n’umunyamakuru wa FlashTV/Radio, dukesha iyi nkuru yavuze ko yabikoze ku mugaragaro ntawe ahisha.

Ati” Ubu narayikoze, iri hano irabitse. Niba barabibabwiye ntibabeshye, nayikoresheje ku mugaragaro, hano haruguru, umwana naranamwishyuye.”

Yirinze kuvuga amafaranga yayikoreshejeho gusa avuga ko uwagenda mbere ye n’umugore we yayishyingurwamo.

Avuga icyabimuteye , yavuze ko “yagendeye kukuba na mbere umusaza witeguraga gupfa yaraguraga ikirago azashyingurwamo.”

Uyu musaza avuga kandi ko yanakoresheje umusaraba w’icyuma gusa ngo ntarawuzana iwe.

Umugore we yabajijwe niba ataragize ubwoba bw’icyo gikorwa maze avuga ko nta kibazo bimutwaye.

Umuhanga mu by’imitekerereze ya muntu, Mugisha Marie Claire avuga ko uyu musaza kwigurira isanduku yaba yarabitewe no kuba afite ihungabana.