Moïse Habanabashaka
Nyamasheke: Mu gihe bamwe bavuga ko urugo rubi rurutwa na gereza undi we yabonye ko urugo rubi rurutwa no gupfa
Umugabo witwa Hagenimana Emmanuel w’imyaka 45 wo mu Karere ka Nyamasheke bamusanze mu gikoni amanitse mu mugozi yapfuye, birakekwa ko yiyahuye.
Amakuru y’urupfu rwa nyakwigendera yamenyekanye mu gitondo cyo ku wa 02 Nyakanga 2023, urugo rwe rwahoragamo amakimbirane.
Abatuye Umudugudu wa Rugarama, Akagari ka Bisumbo mu Murenge wa Cyato bavuga ko batunguwe no gusanga uwo mugabo mu kiziriko cy’ihene amanitse mu gikoni.
Gusa bivugwa ko mu rugo rw’uyu mugabo hahoragamo amatiku dore ko we n’umugore we bahoraga mu ntonganya bashinjanya guacana inyuma ndetse harangwamo n’ubusinzi bukabije.
