Nyamara Rayon Sports harimo ikibazo benshi batabona! Ikipe ya Rayon Sports yaraye ikoze imyitozo idafite abakinnyi 6 b’inkingi za mwamba

Ikipe ya Rayon Sports yaraye ikoze imyitozo idafite abakinnyi 6 isanzwe igenderaho mu mikino imaze iminsi.

Ku munsi wejo hashize tariki ya 20 Werurwe 2023, ikipe ya Rayon Sports yakomezaga imyitozo y’icyumweru ikomeza kwitegura umukino wa Shampiyona uteganyijwe tariki ya 31 werurwe 2023, Aho izaba ikina na Police FC.

Iyi kipe yaraye ikoze iyi myitozo idafite abakinnyi 6 barimo Rwatubyaye Abdul, Ganijuru Ellie, Iraguha Hadjii Bose bahamagawe mu ikipe y’igihugu y’u Rwanda Amavubi izakina na Benin imikino 2. Iyi kipe yanakoze idafite Leandre Willy Essomba Onana, Rafael Osaluwe Olise ndetse na Mbirizi Eric wapfushije umubyeyi we.

Ikipe ya Rayon Sports ikomeje kubabazwa cyane na Onana ndetse na Rafael Osaluwe bakomeje kwigaragambya bitewe ni uko abakinnyi b’iyi kipe bose batarahabwa amafaranga y’ukwezi kwa 2 bishobora gushyira mu kibazo ikipe ya Rayon Sports muri rusange.

AS Kigali na Kiyovu Sports nazo ntabwo kugeza ubu zirishyura abakinnyi bayo ukwezi kwa 2 ariko imyitozo bakomeje kuyikora haribazwa ikibazo Kiri muri Rayon Sports cyatuma ukwezi kumwe gutuma abakinnyi Banga gukora imyitozo kandi iyi kipe isanzwe ibishyura neza.

Umukino Rayon Sports yari bukine na Rwamagana City w’umunsi wa 24 warasubitswe, bihita byemezwa ko Rayon Sports izakina na Police FC ku munsi wa 25 wa Shampiyona y’icyiciro cya mbere hano mu Rwanda.