HARAGIRIMANA Dieudonne
Nsanzimana Jean Paul ni umusore wari wibeshejeho ariko kuri ubu ubuzima bwe buramucika abureba ,nyuma yo gufatwa n’ikibyimba cyo mumenyo aho avuga ko n’igufwa ryo mu rwasaya ryangiritse.
Nsanzimana wari umunyeshuri wimenyerezaga umwuga w’ubukanishi muri Nyabugogo yatangarije Isano TV kuri shene ya Youtube ko byamufashe yumva ari iryinyo ryagize ikibazo.Nibwo yagiye kwa muganga ararikuza ,nyuma ngo hatangiye kubyimba cyane aza gusubira muri CHUK maze bamubwira ko ari ikibyimba cyo mu menyo kandi kukivura byasaba miliyoni ebyiri zamafaranga y’u Rwanda. Uyu musore yavuze ko atari gushobora kuyàbona arabyihorera none akimaranye umwaka wose.Avuga ko ntakintu akibasha gukora uretse abagiraneza bagira icyo bamuha ,dore ko kuva yarwara yahise ahagarika kwimenyereza umwuga w’ubukanishi.
Uyu musore asaba ko uwagira umutima wimuhwe yamutera inkunga akabasha kwivuza.Aho yatanze numero ye ya telefoni ari yo:0781854006
