Nyabugogo: Abanyerondo barwanye n’abana bo mu muhanda, induru ziravuga(VIDEO)

Ku mugoroba wo kuri uyu wa kane nibwo abanyerondo bakorera akazi kabo muri Nyabugogo hafi yo ku mashyirahamwe mu karere ka Nyarugenge barwanye inkundura n’abana bo mu muhanda bazwi nk’aba marine ,aho bashakaga gutwara umwe muri bo hanyuma bagenzi be bakitambika ,bakamenagura imodoka induru ziravuga.

BTN iganira n’abaturage babonye uko byagenze, bavuze ko abo banyerondo aribo basagariye abo bana.Umwe yavuze ko abanyerondo bashatse gutwara umwe muri abo bana hanyuma begenzi be bakitambika,bagateza umutekano muke bamena imodoka.Ibi byatumye izindi nzego zumutekano zihurura zitwara abo banyerondo.Ibi bibaye nyuma y’umugabo witwa Safari wo mu ntara y’i Burasirazuba uerutse guhangana na DASSO atawe muri yombi,  ndetse nabandi bazunguzayi barwanye n’abanyerondo muri Nyabugogo mu minsi ishize.Ari byo aba baturage bahereyeho bagira inama izi nzego zumutekano ko zikwiye guhindura imikorere.