NTIMUNTERE UMWAKU! Umukobwa w’imyaka 16 wasabaga abantu kutamutera umwaku yabyaye umwana amujugunya mu musarane

Mu gitondo cyo kuri uyu wa mbere tariki ya 2 Mutarama 2023 ,mu Kagali ka Simbwa ,mu Murenge wa Kabarore , Mu Karere ka Gatsibo haravugwa inkuru y’umukobwa witwa Uwizeyimana Jaennette ,uri mu kigero cy’imyaka 16 wabyaye umwana akamuta mu musarane ariko kubw’amahirwe agatabarwa akiri muzima.

Inkuru y’uko Uwizeyimana yataye umwana mu musarane yamenyekanye ahagana saa kumi n’ebyiri z’igitondo ,ubwo Nyiransabimana Consolatta basanzwe baturanye yajyaga mu bwiherero gukora ibikomeye ariko yageramo akumva mu bwiherero hari kuririramo uruhinja.

Uyu Consolatta ngo yahise atabaza ababyeyi be ababwira ko arikumva umwana aririra mu bwiherero , nabo bahita batabaza ubuyobozi,babubwira ibyabaye nabwo buratabara.

Amakuru avuga ko uyu mukobwa wari ugiye kuvutsa ubuzima uyu muziranenge ,byacyetswe kenshi ko atwite ariko yabibwirwa agasaba ababimubwira kureka kumutera umwaku ,kugeza nubwo mu gitondo ubwo basangaga uru ruhinja rurira mu bwiherero nabwo yari akibihakana.

Icyakora nyuma yuko yari amaze umwanya munini abihakana ndetse afite amakare byaje kuvumburwa ko uyu mwana ari uwo yabyaye ,maze yaba we n’umwana we bari bakuye mu musarane boherezwa ku bitaro bya Ngarama kugirango bitabweho n’abaganga.

Source:btn tv