HARAGIRIMANA Dieudonne
Ntago bisanzwe bimenyerewe ko amakipe yambere ahanganye ku isi ariyo Real Madrid na Fc Barcelona ajya agurishanya abakinnyi babo, ndetse n’umukinnyi utinyutse kuva mu ikipe imwe yerekeza mu yindi afatwa nk’umugambanyi. Gusa kurubu ibitamenyerewe bikaba bigiye kuba nyuma y’igihe kitari gito ibinyamakuru bikomeye bibigarukaho.
Amakuru dukesha ikinyamakuru El Mundo deportivo aravugako ikipe ya Real Madrid yamaze kumvikana n’umunyazamu w’imyaka 21 José Aurelio Suárez García ukinira ikipe ya Fc Barcelona ya kabiri kuburyo iki cyumweru kirangira yamaze gusinya muri Castilla(Real Madrid nto). Uyu musore akaba ahinduye ikipe kuko amasezerano ye yarangiye bityo ikipe ya Fc Barcelona ikaba itaramwongeye andi nawe agahita yihitiramo kujya muri Real Madrid nyuma yuko ubuyobozi bwa Real Madrid bwari bwamwegereye bakumvikana ariko byari bitarajya ku mugaragaro. Uyu munyezamu niwe wabanzaga mu ikipe ya Fc Barcelona B gusa akaba atarongerewe amasezerano.
