Ntibakibembereza, mu Karere ka Gatsibo umusore yakubiswe kugeza ashizemo umwuka nyuma yo gufatwa yibye ibitoki birenga 3

Ntibakibembereza, mu Karere ka Gatsibo umusore yakubiswe kugeza ashizemo umwuka nyuma yo gufatwa yibye ibitoki birenga 3.

Ibi byabereye mu murenge wa Gitoki Kagari ka Bukomane, aho umusore yafashwe yibye ibitoki maza agakubitwa kugeza apfuye.

Umusore uzwi ku izina rya Makobwa, yakubiswe n’abaturage ubwo yafatwaga avuye kwiba ibitoki mu murima w’uwitwa Batamuliza.

Abatanze amakuru, babwiye BTN TV ko uyu musore yavuye kwiba maze abasore 2 barinda ibyo bitoki bakaza kumwirukanka ari nako batabaza abaturage.

Abaturage baje gufata uyu musore ndetse n’ibyo yari yibwe, aho bamukubise kugeza ashizemo umwuka.

Ubuyobozi bw’Akagari n’ubw’umurenge ntibwigeze bugira icyo butangaza kuri iyo nkuru.