Pasiteri yatawe muri yombi azira gusambanya abana babiri na mama wabo yiregura avugako ari Satani yamwoheje

Muri leta ya Ogun, abapolisi bafunze pasiteri azira kuryamana n’umugore w’abandi hamwe n’abakobwa be babiri.

Timothy Oluwatimilehin, umushumba ushinzwe itorero mpuzamahanga rya gikristo rya Olumore Abeokuta, arashinjwa gushuka umugore n’abakobwa be bombi akabajyana kure y’iwabo, akabashyira mu rugo rwe, maze akaryamana na bo inshuro nyinshi.

Nk’uko byatangajwe na Abimbola Oyeyemi, umuvugizi w’igipolisi cya leta, ngo pasiteri yatawe muri yombi nyuma y’ikirego cyatanzwe kuri sitasiyo ya polisi ya Adatan n’umugabo w’uwahohotewe, atangaza ko pasiteri wabo yashutse umugore we n’abakobwa be babiri maze kuva icyo gihe atangira kujya abasambanya bose.

Mu ibazwa, pasiteri yemeye icyaha cyakozwe ariko asaba imbabazi. Mu kwatura kwe, yasobanuye ko yifashishije ubwumvikane buke bwari hagati y’umugore n’umugabo we kugira ngo akore icyo gikorwa cya satani.

Komiseri wa polisi, CP Lanre Bankole, yasabye ishami rya Leta rishinzwe iperereza ku nzego z’ubutasi n’ishami rishinzwe iperereza rishinzwe kurwanya icuruzwa ry’abantu n’imirimo mibi ikoreshwa abana kugira ngo bakemure urwo rubanza kandi babigenzure neza kugira ngo bashyikirizwe urukiko vuba bishoboka.