Ntago yari kwihisha ngo amare kabiri! RIB yataye muri yombi umukobwa wiga muri kaminuza y’u Rwanda ishami rya Huye ukekwaho kwica umwana utaravuka akamujugunya mu gitebo cy’imyanda

Urwego rw’Igihugu rw’Ubugenzacyaha (RIB), rwataye muri yombi umukobwa w’imyaka 19 wiga muri Kaminuza y’u Rwanda, Ishami rya Huye, akekwaho gukuramo inda, umwana akamuta aho bajugunya imyanda, kuri uyu wa o1 Ukuboza 2023.

Uyu mukobwa yafashwe nyuma y’aho muri Kaminuza y’u Rwanda, Ishami rya Huye, habonetse uruhinja rwapfuye bikekwa ko rwari mu kigero cy’amezi atandatu.

Ukekwaho gukora icyo cyaha ari kwitabwaho kwa Muganga ndetse hanakusanywa ibimenyetso bizifashishwa mu kugaragaza niba hari isano riri hagati y’ukekwa n’urwo ruhinja.