M.Ben
Prince Kid, ni umusore bakanyujijeho mu rukundo mu myaka yatambutse ariko uyu munsi akaba ari mu butabera aho akurikiranyweho ibyaha birimo ibyabereye mu irushanwa rya Miss Rwanda.
Teta Sandra na Prince Kid batangiranye umushinga wa Rwanda Inspiration Back Up mbere y’uko itangira gutegura irushanwa rya Miss Rwanda mu 2014.
Ishimwe Dieudonné ( Prince Kid) mu 2016, yabwiye umunyamakuru wa TV10 ko mu buzima bwe yakunze rimwe gusa kandi umukobwa bakundanye adateze kuzamwibagirwa.
Uwo yavugaga ni Teta Sandra bari barakundanye ubwo yari akirangiza kaminuza.
Aba bombi bakundanye igihe kitari gito, kugeza mu 2014 ubwo uyu mukobwa yinjiraga mu rukundo rushya n’umuhanzi Derek wamamaye mu itsinda rya Active batandukanye mu 2017 mbere y’uko mu 2018 atangira gukundana na Weasel wo muri Uganda ubu bafitanye abana babiri.
Ku makuru dukesha IGIHE , Sandra Teta yabajijwe ubutumwa yagenera Princekid ufungiye muri gereza ya Mageragere aho akurikiranyweho ibyaha birimo ibyo bikekwa ko yakoze ategura irushanwa rya Miss Rwanda.
Teta Sandra yagize ati “Icyo namubwira ni ugukomera, nta mvura idahita!”
