“Nta muntu uri burare mu nzu uyu munsi, imvura ya saa 2:00 z’ijoro ishobora kuza ikatwangiriza” Umuyobozi w’umujyi wa Kigali yaburiye abaturage nyuma y’uko hari aho igikuta cyagwiriye umubyeyi n’abana be bari baryamye bahita bapfa – VIDEWO

Mu mujyi wa Kigali mu karere ka Gasabo mu murenge Gisozi haguye imvura nyinshi maze urukuta rwari rwubakishije amabuye rugwira inzu yari iryamyemo umugore n’abana babiri bahita bahatakariza ubuzima.

Umuyobozi w’umujyi wa Kigali Pudence Rubingisa yahise ahagera maze asaba abatuye mu mudugudu wa Ntora Bose ko batari burare mu mazu yabo kuko ashobora kubagwaho kubera imvura.

Aba baturage bahise batangira kubashakira aho barara mu gihe hakurikiyeho gahunda y’uko bagomba kwimuka bakajya ahatashyira ubuzima bwabo mu kaga.

#RwOT Mumurenge @gisozisector Nyuma yimvura nyinshi Yaguye Uruhavu Rwumukingo rwari rwubakishije amabuye Rugwiriye Inzu yariryamyemo Umugore nabana babiri Bahita bahatakariza ubuzima Umuyobozi w’@CityofKigali Asabye abatuye mumudugudu wa Ntora Bose 1 pic.twitter.com/NWxhqO9DXR

— NDAHIRO Valens Papy (@NdahiroPapy) September 20, 2023