Epaphrodite Nsengimana
Umuyobozi w’Umujyi wa Kigali, Pudence Rubingisa aganira na The New Times, yatangaje ko hari imihanda itatu izaharirwa kugendwamo n’imodoka zitwara abagenzi muri rusange.
Iyi mihanda harimo uva mu Mujyi (Nyarugenge) ukomeza Rwandex-Sonatubes-Giporoso, uturuka mu Mujyi ugana Kimironko, ndetse n’uturuka mu Mujyi ugana Kicukiro izakurikiraho.
Rubingisa yavuze ko ikigamijwe ari ugushyira mu bikorwa gahunda y’Igihugu yo kwihutisha iterambere (NST1), iteganya kuba yageze kuri iyo ntego bitarenze umwaka wa 2024 hakaba hamaze gutoranya imihanda ifite kilometero 22.
Ibyo ngo nibimara gukorwa, bizagabanya igihe abantu bamaraga ku mirongo mu Mujyi wa Kigali, bategereje imodoka zitwara abagenzi mu buryo bwa rusange, cyane mu masaha yo kuva ku kazi, kive ku minota 30 kigera kuri 15.
