GUTER
Mu ijoro ryakeye Manchester United yaraye isezerewe muri 1/4 mu irushanwa rya Europe league nyuma yo kwandagazwa na Sevilla, yayiteye ibitego bitatu ku busa.
Wari umukino wo kwishyura dore ko ubanza bari banganyije ibitego 2-2, bivuze ko Manchester United yasezerewe itsinzwe ibitego 5-2.
Itsinzwe y’ijoro ryakeye, abafana ba Manchester United bayigeretse kuri myugariro Harry Maguire na mugenzi we David De Gea.
David De Gea yahaye umupira Harry Maguire ari imbere ye ni uko myugariro wavumwe n’abafana aba awihereye umwataka wa Sevilla maze aba abateye igitego cya mbere.
Nyuma yo kurya icyo gitego Manchester United yariye ibindi 2, umukino urangira ari 3-0.
Nyuma y’umukino abafana bafashe terefone zabo batuka Maguire na De Gea aho bibanze cyane kuri uyu myugariro umaze kugirwa akabaye icwende.
Umwe ati: “Tuvire mu ikipe.”
Undi: “Degea ni we wabyishe aha umupira Maguire kandi azi ukuntu nta kigenda.”
Undi ati: “Ariko Maguire na Degea baba bari guhimana.”
Undi na we ati: “Maguire nta bundi buryo yari afite kuko De Gea yamuhaye umupira ari mu bakinnyi batatu ba Sevilla.”
