“Nkorera amafaranga menshi kurusha umugabo wange” Umugore wa Bahati uherutse gukorana indirimbo na Bruce Melody yagize icyo avuga ku bagabo bashaka abagore babarusha amafaranga

Mu kiganiro Diana Marua umugore wa w’umuhanzi Bahati yagiranye n’umunyamakuru ukorera ku rubuga rwa YouTube, yasangije abantu uburyo we n’umugabo we babanyemo.

Ubwo umunyamakuru yamusabaga kuvuga ku bagabo bashaka abagore babarusha amafaranga, uyu mugore nibwo yahise yitangaho urugero ndetse n’umugabo we.

Uyu mugore yavuze ko kuba umugore arusha umugabo amafaranga cyangwa yinjiza menshi kumurusha ibyo ntacyo bivuze ahubwo icyambere ni urukundo no gushyira hamwe.

Uyu mudamu yitanzeho urugero agira ati ” Nkubu ngewe ninjiza amafaranga menshi kurusha Bahati umugabo wange ariko ndamwubaha kandi amafaranga yose ndayazana tukayakoresha mu nyungu z’urugo gusa rimwe na rimwe iyo indirimbo ze zakunzwe arankuba mu mushahara, rero singombwa ngo buri gihe umugabo abe ariwe ukorera menshi cyangwa afite menshi”.