HARAGIRIMANA Dieudonne
Nishimwe Blaise wari washimwe n’umutoza wa Kiyovu Sports byongeye kumubana imyangaro
Uwari umukinnyi w’ikipe ya Rayon Sports ndetse n’ikipe y’igihugu y’u Rwanda Amavubi Nishimwe Blaise wari wakunzwe n’umutoza wa Kiyovu Sports byongeye kumubana bibi cyane.
Hashize iminsi ikipe ya Kiyovu Sports itozwa na Koukours Petros ukomoka mu gihugu cy’ubugiriki itangiye imyitozo ndetse hari abakinnyi batandukanye bari bamaze iminsi bakorana n’abandi ngo babe bagurwa ariko ibintu ntibyagenda uko babyifuza.
Amakuru YEGOB twamenye ni uko Nishimwe Blaise wari umaze gushimwa na Koukours Petros yamaze gusezererwa nyuma yo kuba atarashakwaga n’ubuyobozi bwa Kiyovu Sports. Ntabwo uyu ari we wirukanwe gusa ahubwo na Nizigiyimana Karim Mackenzie ndetse na Radu bamaze gusezererwa.
Nishimwe Blaise wasezerewe mu ikipe ya Rayon Sports akajya muri Kiyovu Sports bikanga hari amakuru avuga ko hari ikipe ikomeye yo mu gihugu cya Tanzania ashobora gukinira umwaka utaha ariko ntiramenyekana.
