Ni wo munsi bamenyaniyeho bwa mbere! Clarisse Karasira yavuze imyato umugabo we

Umuhanzikazi Clarisse Karasira yazirikanye iyi tariki ya 10 Gashyantare nk’itariki yahuriyeho bwa mbere n’umugabo we, Sylvain Dejoie maze amwandikira amagambo yuzuyemo amarangamutima menshi. Ni nyuma yuko Clarisse Karasira yari amaze gushyira hanze ifoto y’umugabo we abinyujije ku rukuta rwe rwa instagram.

Nyuma yuko Clarisse Karasira ashyize hanze iyi foto yayiherekesheje amagambo agira ati “10.2. Umunsi twamenyaniyeho shenge! Ndabirora nk’ejo! Umunsi inseko ikwira ijuru ,ijoro ryera ritebutse! Umusumba urara uririmbwa i Kiyovu cyose!Umuneza utaha umutima,Umugenzi abonye umugenzi,inzira iba nzima nziza n’ingenzi, imyaka igiye bumanzi! Rutagwabiza amashyo, Rutayihaana Rutigimbwa,Rugero mu ngeri unganywa nde?Ngukunde nte? Bigwi,gwiza,Kwira,Gwira nanjye ngweragwere! #My❤ BAYO I 👑❤”.