Ni ugukomeza kubakuba cyane ntacyo abaha! Amezi KNC amaze adahemba abakinnyi be yatumye benshi bamwibazaho

Umuyobozi wa Gasogi United Kakooze Nkuriza Charles uzwi nka KNC yatumye benshi bavugishwa nyuma yo kumenye amezi amaze adahemba abakinnyi ba Gasogi United.

Ntabwo bisanzwe ko ibintu by’indani mu ikipe ya Gasogi United bimenyekana cyane ko byose usanga KNC Umuyobozi wayo aba yabyishyizeho abantu bakamuheraho ntibakurikirane ibiri mu ikipe ye.

Amakuru YEGOB ifite ni uko abakinnyi b’ikipe ya Gasogi United bamaze amezi 2 badahembwa, bivuze ko batarafata amafaranga y’ukwezi kwa 1 ndetse n’uku kwezi kwa 2 kurimo kugera ku musozo.

Ibi byatumye abantu benshi batangira kwibaza kuri KNC umaze igihe avugisha abakunzi b’umupira w’amaguru hano mu Rwanda nyuma yo kwikoma abasifuzi avuga ko bamwibye cyane ubwo ikipe ya Rayon Sports yatsindaga Gasogi United ibitego 2-1 mu mukino w’umunsi wa 20 wa Shampiyona.