Ni ibirori byari bibereye ijisho! Umuramyi, Da Promota yasezeranye imbere y’Imana n’umukunzi we Yvonne (Amafoto)

Umuramyi Reagan Kimazi wamenyekanye nka Da Promota mu muziki wo kuramya no guhimbaza Imana, yasezeranye imbere y’Imana n’umukunzi we witwa Yvonne Teta Bagorora.

Mu birori byari bibereye ijisho, byabaye tariki 2 Nyakanga 2023, bibera mu Leta zunze ubumwe z’Amerika akaba ari naho baba. Ni mu gihe, Da Promota yaherukaga kwambika imbeta Yvonne tariki 12 Kamena 2021.

Da Promota yamenyekanye mu ndirimbo zitandukanye nka: “Isengesho”, “Ndagushima” yakoranye na Mandela, “Ndanezerewe”, “Ingabire” yahurijemo abanyempano benshi, “Nzahora ndirimba” yakoranye na Prosper Nkomezi na Aime Uwimana, “Hallelujah” yakoranye na Mandela, n’izindi.