M.Ben
Umuyobozi wa Gasogi United ‘KNC’ yateye utwatsi ibihano yafatiwe na kanama gashinzwe imyitwarire muri FERWAFA, avuga ko agiye no kujurira.
Ku mugoroba wo kuri uyu wa mbere tariki ya 24 Mutarama 2022, nibwo hasohotse ibihano ku myitwarire itari myiza yaranze abantu muri shampiyona.
KNC ni umwe mubafatiwe ibihano kandi bikakaye gusa we avuga ko atemera ibyo bihano kuko ngo abibona nk’ibihano bisekeje.
Uyu muyobozi wa Gasogi United aganira na Royal Fm mu kiganiro Royal Sports yavuze ko atemera ibyo bihano yafatiwe kandi ko ari ibihano bisekeje.
KNC yakomeje asobanura ku cyatumye ahanishwa imikino ine n’amafaranga ibihumbi (100,000 FRW), kubera ukuntu yasebeje umuyobozi wa Kiyovu Sports MVUKIYEHE Juvenal avuga ko yaba abetinga, ibintu KNC we ahakana.
KNC yavuze ko agomba kujyana ubujurire bwe muri komisiyo ishinzwe ubujurire muri Ferwafa kuko ngo ibihano yahawe atabyemera.
KAKOOZA NKURIZA Charles yahanishijwe imikino umunani harimo ibiri isubitse ikindi kandi azatanga amafaranga ibihumbi ijana na mirongo itanu (150,000 FRW).
