“Ni gute batangaza amanota batari bishyura abakosoye?” Abarimu bakosoye ibizamini bya Leta bari gutaka kwamburwa na Nesa

Bamwe mu barimu bakosoye ibizamini bisoza ikiciro rusange baribaza uburyo Amanota arinda asohoka batarahabwa Amafaranga yabo.

Aba barimu bavuga ko bagenzi babo bakosoye ibizamini bisoza amashuri abanza barabonye amafaranga yabo ariko abo mu kiciro rusange bakaba amaso yaraheze mu kirere

Bamwe muri abo barimu batifuje ko imyirondoro yabo igaragara mu bitangazamakuru, bavuze ko bibabaje kubona ikigo kigihugu gishinzwe ibizamini bya Leta NESA, gishobora gutangaza amanota y’Ibizamini nyamara bazi neza ko ababigizemo uruhare ngo ayomanota ajye ahagaragara batarabona Amafaranga yabo.

Umwe yabwiye RUBANDA dukesha iyi nkuru ati” Ubushize umuyobozi wa NESA aherutse ku bitangazamakuru bya RBA avuga ko amafaranga yacu tuzayabona vuba, ariko dore amanota agiye gutangazwa tutarabona amafaranga yacu, kuritwe tubifata nko kudaha agaciro ibyo tuba twakoze.Aha niho yahereye yibaza uburyo amanota arinda atangazwa nyamara abarimu bakosoye ibyo bizamini batarahabwa amafaranga yabo.