Ngiyi imyambaro ya Asinah yateye abagabo guheza amaso mu kirere

Asinah afite amateka akubiyemo ibice bibiri; ubuzima bwa mbere yabubayemo ari umukunzi wa Riderman mu myaka irenga umunani bamaranye.Ubuzima bushya yabutangiriye muri muzika yinjiranyemo umujinya no kwihimura maze ashyira hanze indirimbo zumviswe na benshi nka ‘Izubu’, ‘Game Is Over’ afatanyije na Neg G The General, ‘Happy’, ‘Mapenzi’ ‘Gimme Love’ n’izindi.

Kuva yakwinjira mu muziki, yatumye itangazamakuru rimwitondera no kumva icyatangaza cyangwa ashyira hanze akoresheje imbuga nkoranyambaga nka Instagram na Snapchat.

Amafoto n’amashusho ashyira hanze akunze kugarukwaho cyane umunsi ku wundi ari mu ishusho y’umukobwa washize ubwoba udatinya amaso ya rubanda np kwigaragaza nk’uwamaze kwakira impinduramatwara muri we.

Akunze kwifotoza yambaye imyenda ituma bimwe mu bice bye by’umubiri nk’amabere n’amatako bigaragara buri wese.

Yakirizwa ibitekerezo bitandukanye atajya akunda gutinda no guha umwanya ngo abisubize,akunze kumvikana mu itangazamakuru avuga ko ‘ntacyo bimutwaye kandi ko ariyo mwambaro yahisemo’.