Geovanis
Papa cyangwe wahoze akorana na Rocky Kirabiranya gusa bakaza gutandukana kubera ubwumwikane bucye, abantu babanje gukeka ko byaba ari agatwiko dore ko bahoze batwika kugira ngo bakurure abafana.
Papa cyangwe abinyujije kuri live yakoze, yavuze ukuntu Rocky yamutengushye ndetse ntiyanita kubyo papa cyangwe yamukoreye byose ahubwo nyuma y’uko batangiye kubona amafaranga, Rocky yatangiye kuyazanamo ubutindi.
Ubundi mbere y’uko aba bombi bahura, Papa cyangwe yahoze acuruza imyenda ndetse n’inkweto hanyuma baza guhura na Rocky ari umukiriya we baramenyana gusa ariko biza kuzamuka biba ubucuti bemeranya gukorana dore ko Rocky yari afite abafana naho papa cyangwe afite impano.
Muri iyo minsi, Papa cyangwe yagiye yambika Rocky ndetse n’umuryango we ku buntu dore ko bari bafitanye gahunda yo kuzakorana birambye ndetse Papa Cyangwe ku ruhande rwe yumvaga ko ayo mafaranga azayagaruza isaha n’isaha.
Nyuma baje kuzuza amasezerano barakorana ndetse izina rya Papa Cyangwe rirazamuka riba ikimenyabose abantu baramukunda ndetse n’agafaranga gatangira kwinjira agatwiko gatangira kubinjiriza.
Muri iki gihe bakorana, bakoze indirimbo nyinshi ziratwika harimo Bambe, imbeba, ndetse n’izinidi zitandukanye zatumye amenywa na Bose arakundwa.
Nubwo yabaye icyamamare, ubu bwamamare bwe yatangaje ko ntacyo bwamumariye dore ko amafaranga yose ari Rocky wayitwariraga ndetse n’igihe bagiye mu bikorwa byo kunoza imishinga yabo, Rocky yahaga amafaranga 1000 papa cyangwe ngo atege moto ataha mu ma miliyoni yinjiraga ajya ku mufuka wa Rocky.
Nyuma bamaze gushwana, abantu babanje gukeka ko Kaba ari agatwiko dore ko bigeze gutwika ku ndirimbo bise Bambe basohora Amafoto Rocky yakoze ubukwe gusa byari amashusho yo mu ndirimbo.
Papa Cyangwe yabanje kuba I musanze aho yabanje gutabaza avuga ko Rocky yohereza amabandi ngo ahungabanye umutekano wa Papa Cyangwe gusa abantu bagakeka ko byaba ari agatwiko ndetse abenshi ntibabihe agaciro.
Kuri uyu mugoroba nibwo Papa Cyangwe yavuze ukuri kose kuri live yari arimo akora ndetse akaba yabanje guteguza Rocky aho yakoze akavideo gato kavuga ukuntu ashobora kuzogoshwa uruhara agatabwa muri yombi.
Papa Cyangwe Kandi yavuze byinshi ndetse avuga kuri Kivumbi, Bruce Melody na Davis D.
