Myugariro w’ibumoso wa Rayon Sports mu isura nshya yambaye kasike (Amafoto)

Mugariro w’ibumoso wa Rayon Sports Muvandimwe JMV agiye kuzajya akina yambaye kasike irinda izuru rye ryagize ikibazo.

Mu mpera za Mutarama ubwo Rayon Sports yatsindaga Gasogi United (1-0) mu mukino w’umunsi wa 15, myugariro wayo wo ku ruhande rw’ibumoso, Muvandimwe JMV yaje kugira ikibazo cy’imvune ahita asimburwa.

Muvandimwe JMV yavuye mu kibuga hakiri kare ku munota wa 9, ni nyuma yo kugongana n’umukinnyi wa Gasogi United, yahise asimburwa na Mujyanama Fidele.

Yahise ashyirwa mu mbangukiragutabara (Ambulance) ahita ajyanwa kwa muganga kugira ngo ahabwe ubufasha nyuma y’ikibazo yari amaze kugira.

Yahise ajyanwa muri CHUK aho yahise ashyirwa muri ’Emergency’, yagize ikibazo ku zuru aho yakomeretse ndetse n’igufwa ry’izuru ryagize ikibazo.

Nyuma yo kwitabwaho n’abaganga JMV yagarutse mu myitozo aho yaje yahawe Kasike izajya irinda izuru rye ryagize ikibazo.