Myugariro w’ikipe ya Gasogi United yateye imitoma ishamaje umugore we nyuma yo gusezerana imbere y’Imana

Myugariro w’ikipe y’umupira w’amaguru ikomeye mu Rwanda Gasogi United, Ndabarasa Tresor, yasezeranye imbere y’Imana n’umufasha we Uwera Josiane, abinyujije ku rubunga rwa Instagram yamuteye imitoma karahava.

Uyu Ndabarasa Tresor, yafashe umwanzuro wo gusezerana n’umugore we, igihe abakinnyi b’umupira w’amaguru bari bahawe ikiruhuko, we ahita yiyemeza gusezerana n’umukunzi we mu mategeko, ibi byabaye kuwa Kane 30 werurwe 2023.

Ndabarasa Tresor rero abinyujije kuri Instagram ye, yateye imitoma umugore we agira ati” uri umugore wanjye nasengeye kuva kera, uri icyerekezo cy’ubuzima bwanjye bw’ahazaza, uri igisobanuro cyanjye cyo kubaho, uzamura amarangamutima yanjye, uri umugore wanjye nishimira”.

Ubukwe bwa Ndabarasa na Josiane rero bukaba bwabaye kuri uyu 01 mata 2023, bagahita bajya kubana nk’umugore n’umugabo.

Ikipe ye rero ya Gasogi United, ikaba yamwifurije urugo rwiza, ngo bazagire ishya n’ihirwe mu rugo rwabo Kandi ngo bazabyare hungu na kobwa.