Myugariro wa Manchester United yahishuye injishi yakoresheje ajisha Haaland wari warigize utabashwa

Luke Shaw myugaririro w’ikipe ya Manchester United ukina ku ruhande rw’iburyo ariko ubu akaba ari gukoreshwa mu mutima w’ubwugarizi yahishuye ibanga bakoresheje ngo bahagarike ikitabashwa Erling Braut Haaland.
Mu mukino ikipe ya Manchester United yatsinzemo Manchester City ibitego bibiri kuri kimwe, igitego cya Manchester City cyatsinzwe na Jack Grealish mu gihe ibitego bibiri bya Manchester United byatsinzwe na Bruno Fernandes na Marcus Rashford.

Muri uyu mukino byagaragariye Buri wese ko ubwugarizi bwa Manchester United bwari burangajwe imbere na Luke Shaw na Rafael Varane bwakoze iyo bwabaga ngo buhagarike , Haaland wigize ikitabashwa dore ko kuba yagera muri City amaze gutsinda ibitego 27 ariko mu mukino w’ejo akaba yarakinnye iminota 95 akavamo nta n’ishoti rigana mu izamu rya De Gea ateye.

Ubwo Umukino warurangiye television ya Manchester United yaganirije Luke Shaw ibanga yakoresheje ngo ahagarike Haaland Kandi mu mukino wari wabanje yari yababonyemo ibitego bitatu maze Shaw atariye indimi agira ati ” Ntabwo aringe cyangwa Rafael Varane, hoya ni ikipe yose twugariye neza cyane”.
Manchester United nyuma yiyo nsinzi yafashe umwanya wa gatatu by’ateganyo n’amanota 38.